Sultân II. Mahmud Hân Berat-i Humayun
Hınıs kazâsı muzâfâtından
Malazgird nâhiyesine tâbi‘ Abri nâm karyede vâki‘ merhûm Es-Seyyid Aynü'l-Melek (Aynüddîn) zâviyesinin nısf vazîfe-i mu‘ayyene ile nısf hisse şeyhi olan Es-Seyyid Mûsâ
fevt olup yeri hâlî ve nısf hissesi mahlûl olmağla yerine erbâb-ı istihkâkdan
müteveffâ-yı mezbûrun oğlunun oğulları işbu râfi‘ân-ı tevki‘-i refî‘ü'ş-şân-ı
hâkânî Eş-Şeyh Abdülkerim bin Eş-Şeyh İsmâ‘îl ve Eş-Şeyh Abdülhamîd bin Eş-Şeyh
Hâcı Bâyezîd her vechile lâyık ve mahall ve müstahık olmalarıyla nısf hisse
meşîhat-ı mezkûre müteveffâ büyük babaları mahlûlünden ber vech-i iştirâk
tevcih olunup yedlerine berât-ı şerîf-i âlişânım virilmek bâbında yedlerinde
olan müteveffâ büyük babaları atîk berâtı mûcebince inâyet taleb itmeleriyle
vâki‘ ise merkûmâna tevcih ve sadaka idüp bu berât-ı hümâyûn-ı sa‘âdet-makrûnı
virdim ve buyurdum ki ba‘de'l-yevm merkûmân Eş-Şeyh Abdülkerîm bin Eş-Şeyh
İsmâ‘îl ve Eş-Şeyh Abdülhamîd bin Eş-Şeyh Hacı Bâyezîd varup zikr olunan
zâviyenin müteveffâ büyük babaları yerine nısf hisse şeyhi olup hıdmet-i
lâzımelerin mer‘î ve mü'eddî kıldıkdan sonra nısf vazîfe-i mu‘ayyenesine ber vech-i
iştirâk mutasarrıflar olup vâkıfın rûhı ve devâm-ı ömr ü devlet içün du‘âya
müdâvemet göstere şöyle bileler alâmet-i şerîfe i‘timâd kılalar tahrîren
fi'l-yevmü't-tâsi‘ ve'l-aşrîn min şehr-i Şa‘bânü'l-mu‘azzam sene semân ve
selasîn ve mieteyn ve elf(şaban ayının 9 ve 10. Günleri sene 1238)
Hiç yorum yok:
Yorum Gönder